Qızıl medallı Stadnik: Mən azərbaycanlıyam

Prezindet İlham Əliyev və onun xanımı Mehriban Əliyevanın burada olması mənim üçün böyük məsuliyyət idi.ANS PRESS-in məlumatına görə, bu sözləri I Avropa Oyunlarında rəqibini 12:1 hesabı ilə məğlub edən güləşçimiz Mariya Stadnik deyib.Onu dəstəkləyənlərin hamısına təşəkkür etdiyini deyən Stadnik azərbaycanlı olduğunu və bununla fəxr etdiyini bildirib.
"Himnimizi əzbərdən bilirəm. Bayrağımız yüksələndə, himnimiz səslənən kövrəldim. Mən də azərbaycanlıyam", deyə Stadnik bildirib.
Mariya Stadnik finalda bolqarıstanlı idmançı Elitsa Yankovanı 12:1 hesabı ilə məğlub edib.
Qeyd edək ki, Azərbaycan güləşçiləri Avropa Oyunlarında artıq 3-cü qızıl medalı qazanıblar.
Yarışların ilk iki günündə kişi güləşçilərimiz iki dəst, ümumilikdə 6 medal qazanıblar. Rəsul Çunayev (71 kq) və Elvin Mürsəliyev (75 kq) qızıl, Rafiq Hüseynov (80 kq) və Sabah Şəriəti (130 kq) gümüş, Elman Muxtarov (59 kq) və Həsən Əliyev (66 kq) isə bürünc medala sahib olublar.

Mənbə: ANS PRESS