Prezident və xanımı “Bakı-2015”in ofisində

Azərbaycan Respublikasının prezidenti İlham Əliyev və xanımı - Birinci Avropa Oyunları Təşkilat Komitəsinin sədri Mehriban Əliyeva “Bakı-2015” Əməliyyat Komitəsinin baş ofisində olublar. Dövlət başçısı və birinci xanım burada yaradılan şəraitlə tanış olublar.
Azərbaycanın gənclər və idman naziri, “Bakı-2015” Birinci Avropa Oyunları Əməliyyat Komitəsinin baş icraçı direktoru Azad Rəhimov və əməliyyatlar üzrə baş direktor Saymon Kleq ofisdə yaradılan şərait barədə dövlətimizin başçısına və xanımına məlumat veriblər.
Prezident İlham Əliyev və Mehriban Əliyeva Oyunlar Əməliyyatlarına Dəstək Mərkəzində işlərin gedişi və baş ofisdə çalışanlar üçün yaradılan şəraitlə maraqlanıblar.
Sonda xatirə şəkilləri çəkdirildi.

Mənbə: ANS PRESS