Azərbaycandan çox sərt etiraz

Azərbaycan bir müddət gecikmədən sonra yekun qətnaməni imzalayıb.ANS PRESS-in məlumatına görə, bu haqda Polşanın xarici işlər naziri Qjeqoj Sxetina bildirib. O qeyd edib ki, bəyannamə imzalanıb və ən vacibi elə budur:"Azərbaycanın qətnaməni imzalanmasında Avropa Şurasının sədri Donald Tusxanın müstəsna rolu olub", - deyə XİN rəhbəri əlavə edib.
Latviyanın paytaxtı Riqada keçirilən "Şərq tərəfdaşlığı" sammitinin yekun qətnaməsi qəbul edilməyb.ANS PRESS-in Riqaya ezam olunmuş müxbirinin verdiyi məlumata görə, bu barədə Xorvatiyanın xarici işlər naziri Vesna Pusiça açıqlama verib.O bildirib ki, buna səbəb Azərbaycanın yekun qətnaməni imzalamaqdan imtina etməsidir.
Vesna Pusiça bildirib ki, yekun qətnamə bu günün sonuna qədər imzalanmasa, gələn sammitə qalacaq.
"Danışıqlar zamanı Azərbaycan nümayəndələri bəyan edib ki, qətnamə ilə bağlı sənədə yalnız Krımın ilhaqı məsələsinin salınması düzgün deyil. Sənədə Qarabağın işğalı da daxil edilməlidir. Qətnamə ya bu gün bir az gec, ya da artıq başqa sammitdə imzalanacaq", - deyə nazir bildirib.

Mənbə: ANS PRESS