"Vətəndaşlar bizə zəng edirlər, müxtəlif yollarla müraciət edirlər ki, yanğından zərər çəkən sakinlərə yardım etmək istəyirlər. Dövlət tərəfindən yardım edilsə də, biz vətəndaşlara da yardım aksiyasında iştirak etmək üçün imkan yaradırıq".
ANS PRESS-in məlumatına görə, bunu Azərbaycan Qızıl Aypara Cəmiyyətinin (AzQAC) Binəqədi rayon bölməsinin sədri Afət Quliyeva deyib. "Bizə yardımla bağlı 21 nəfər müraciət edib. Geyim, məişətdə istifadə olunan müxtəlif əşyalarla, sabun və sairlə kömək edirlər", - deyə o bildirib.
Afət Quliyeva Caz mərkəzində toplanan yardımdan da danışıb. "Hələlik Caz mərkəzində toplanan yardım haqqında məlumatımız yoxdur. Hər iki yerdə toplanan yardımlar bir yerə yığılacaq və vətəndaşlara paylanacaq", - deyə Az QAC-ın sədri əlavə edib.
Mənbə: ANS PRESS