Kanal S (Region TV) xəbər verir ki, Şəki şahmatçısı Süleyman Süleymanlı dünya üçüncüsü olub. Süleyman mayın 6-15 tarixlərində Taylanda keçirilən yarışda 9 yaşlı şahmatçılar arasında mübarizə aparıb.
9 görüş keçirən Süleyman onlardan altısında qələbə qazanıb. Bir görüşdə heç-heçə edib və 2 oyunda məğlub olub. Bu nəticə ilə o, III-VII yerləri bölüşdürüb. Həmçinin Süleyman aktivinə 61 reytinq xalı yazdırıb. Qarşıda isə balaca şahmatçını Türkiyədə keçiriləcək avropa çempionatı gözləyir.
Mənbə: Milli.Az