Alimlər apardıqları bir sıra araşdırmalardan sonra bu nəticəyə gəliblər ki, oğullar ananın sağlamlığını əlindən alırlar.
ANS PRESS-in məlumatına görə, mütəxəssizlərin fikrincə bu, güclü cinsin nümayəndələrinin yaratdığı qayğı və stresin çoxluğu ilə bağlıdır.
Araşdırmaçılar aydınlaşdırıblar ki, əgər çalışan qadının oğlu varsa, o avtomatik olaraq yüksək dərəcəli ürək tutma riskinə aid qrupa aiddir.
Alimlər 100 min qadının iştirakı ilə eksperiment aparıblar. Məlum olub ki, oğlu olan anaların sağlamlıq problemləri daha çox olur.
Bunun niyə belə olduğunu araşdırmaçılar hələ tam dəqiqləşdirməyiblər. Ehtimal edilir ki, güclü cinsin nümayəndələri nadir hallarda analarına ev işlərində kömək edir. Buna görə də, əgər qadın həm də işləyirsə, onun orqanizminə daha ağır yük düşür.
Bununla yanaşı, oğlanlar qızlardan daha çox dava-dalaşlı vəziyyətlərin iştirakçısı olurlar.
Alimlər həmçinin sübut ediblər ki, oğlanların sayının çoxluğu qadınlarda ürək tutmasını əhəmiyyətli dərəcədə artırır. Anaların ürək və damar sistemində problemləri hələ hamilə ikən yaranır. Belə ki, kişi cinsinin dölü həyati təminatlı orqanları daha çox yükləyir.
Mənbə: ANS PRESS