Şimali Koreya lideri Kim Çen In Moskvada keçiriləcək Qələbə günü ilə bağlı parada qatılmayacaq.
Milli.Az Lenta.ru-ya istinadən bildirir ki, bu barədə Rusiya prezidentinin mətbuat katibi Dmitriy Peskov məlumat verib.
"Kim Çen In qələbə günündə Pxenyanda qalmaq qərarına gəlib. Diplomatik kanallarla bizə bildirilib ki, o, tədbirə qatıla bilməyəcək. Bu, Koreyanın daxili işlərilə əlaqədardır - öz qərarıdır", - o qeyd edib.
Peskovun sözlərinə görə, Fransa prezidenti Fransua Olland da qələbə paradına qatılmayacaq: "Bizə məlum olduğu qədər, onun başqa yerə səfəri var".
Mənbə:Milli.Az