Türkiyədə balaca uşağn bayrağa qarşı etdiyi hərəkət ölkə mətbuatında geniş şəkildə işıqlandırılıb.
ANS PRESS-in məlumatına görə, Əskişəhərdə əsən güclü külək yolun kənarında asılmış Türkiyə bayrağını dalğalanıdırarkən bayraq küçədən keçən uşağın üzünə dəyir.
Azyaşlı ayaq saxlayaraq bayrağa yaxınlaşır və onu üç dəfə öpərək alnına qoyur.
Hadisə küçədə quraşdırılmış təhlükəsizlik kameralarının yaddaşına düşüb. Görüntülər sosial şəbəkələrdə paylaşılıb və istifadəçilər tərəfindən böyük marağa səbəb olub.
Mənbə: ANS PRESS