2015-ci ilin yanvar-mart aylarında Azərbaycanda 126 yük avtomobili istehsal olunub ki, bu da 2014-cü ilin eyni dövrünün göstəricisini 24,8 faiz üstələyir. ANS PRESS-in məlumatına görə, bu barədə Dövlət Statistika Komitəsinin 2015-ci ilin yanvar-mart aylarının yekunu üzrə hesabatında deyilir.
Hesabata görə, qeyd edilən dövrdə Azərbaycanda 45 minik avtomobili istehsal edilib ki, bu da 2014-cü ilin I rübünün göstəricisindən 86,2 faiz azdır.
Cari ilin I rübündə ölkədə 279 traktor istehsal edilib. Bu, 2014-cü ilin eyni dövrünün göstəricisindən 6,7 faiz azdır.
Mənbə: ANS PRESS