"Atletiko Madrid"in türk ulduzu Arda Turan yenidən mətbuatın gündəminə düşüb.
ANS PRESS-in məlumatına görə, ulduz futbolçu Çempionlar Liqasının 1/4 final mərhələsində "Real Madrid"lə qarşılaşmada möhtəşəm oyun sərgiləyib.Qolsuz bərabərliklə bitən matçın 80-ci dəqiqəsində səhnəyə çıxan Arda rəqib komandanın 4 futbolçusunu keçərək azarkeşlərin alqışını qazanıb."Real"ın müdafiəçilərini çaş-baş salan futbolçu daha sonra komanda yoldaşına ötürmə edib. Ancaq müdafiəçilərdən biri ötürmənin önünü kəsərək təhlükəli hücumun qarşısını alıb.
Sosial şəbəkə istifadəçiləri Ardanın bu fintlərini çox bəyəniblər. İnsanlar ulduz futbolçunu xeyli sayda tərifləyiblər.
Mənbə: ANS PRESS