Rusiya prezidenti Vladimir Putin ən nüfuzlu insanların reytinq siyahısında dünya liderlərini qabaqlayıb. Siyahını "Time" jurnalı hazırlayıb. ANS PRESS-in məlumatına görə, səsvermə cümə günü axşam saatlarında yekunlaşıb. Rəsmi nəticələr isə aprelin 13-də elan ediləcək.
İlkin məlumata görə, Putin reytinq siyahısına liderlik edir. O, 6,9 faiz səs toplayıb. İkinci yerdə Cənubi Koreyadan olan müğənni Li Çe Rindir. 2NE1 qrupunun solisti 6,6% səs toplayıb. Üçlüyü isə 2,6 faizlər Ledi Qaqa qapayır.
Dalay Lama 1,7 faizlə 7-ci, ABŞ prezidenti Barak Obama 1,4 faizlə 11-ci, Almaniya kansleri Angela Merkel isə 0,9 faizlə 25-ci yerdədir.
Qeyd edək ki, Rusiya lideri Vladimir Putin 2014-cü ilin noyabr ayında "Forbes"in versiyasına görə, "dünyanın ən nüfuzlu insanları" siyahısına da başçılıq edib.
Mənbə: ANS PRESS