“Samsung”un yeni modelləri “Galaxy S6” və “S6 Edge” bu gün dünyanın 20 ölkəsində satışa çıxarılır.ANS PRESS-in məlumaıtna görə, texniki xüsusiyyətləri ilə bir-birinə olduqca bənzədiyi qeyd edilən “Galaxy S6” və “S6 Edge” modelləri görünüş baxımından fərqlənir.
“S6 Edge” modeli qövslü bir kənara sahibdir. “Galaxy S6”nın görünüşü isə “Samsung”un daha əvvəl istifadəyə təqdim etdiyi “S4” və “Note 3” modellərinə bənzəyir.
Hər iki telefonun 5 meqapiksel və 1080p video çəkə bilən ön kamerası və 16 meqapiksellik arxa kamerası var.
İstehlakçıların böyük maraqla gözlədiyi telefonlar istifadəçilərə kabelsiz şarj etmə rahatlığını da təmin edəcək.
Qeyd edək ki, “Galaxy S6” və “S6 Edge” adlı yeni cihazları ilk dəfə ötən həftə Barselonada keçirilən Mobil Dünya Konqresində tanıdılıb.
Mənbə: ANS PRESS