Türkiyənin Ağrı vilayətinin Diyadin bölgəsində 85 dərəcə istiliyi olan geotermal sulardan istifadə etməklə becərilmiş istixana pomidorları Azərbaycan və Rusiyaya ixrac ediləcək.ANS PRESS-in məlumatına görə, bu barədə Ağrı vilayətinin valisi Musa İşın bildirib. Onun sözlərinə görə, illərdir işlədilməyən termal sularının istixanalarda istifadəsi gerçəkləşdirilib.
İlk mərhələdə 2 hektar ərazidə quraşdırılan istixanada salxım pomidorlar yetişdirilir. Torpaqsız əkinçilik tətbiq edildiyindən məhsuldarlıq 4 dəfə yüksəlir. Şəhər rəhbərliyi istixanaların ərazisini 100 hektara qədər artırmağı düşünür.
Qeyd edək ki, oxşar termal sular Azərbayanın İmişli rayonunda da var. 1000 hektara qədər istixana qurmağa imkan verən həmin sular sadəcə axaraq Araza tökülür.
Mənbə: ANS PRESS