Səudiyyə Ərəbistanında səfərdə olan Azərbaycan prezidenti İlham Əliyev və ailə üzvlərinin Mədinə şəhərindəki Peyğəmbər məscidində fotoları yayılıb.
ANS PRESS-in məlumatına görə, fotolar dövlət başçısının kürəkəni Səməd Qurbanovun adına olan İnstagram səhifəsində paylaşılıb.
Fotoda İlham Əliyevlə yanaşı birinci xanım Mehriban Əliyeva, qızı Arzu, oğlu Heydər Əliyev və kürəkən Səməd Qurbanov olub.
Xatırladaq ki, Məkkə şəhərində səfərdə olan Azərbaycan prezidenti İlham Əliyev və ailə üzvləri ümrə ziyarətində olublar. Onlar xüsusi libas geyinərək Əl-Həram məscidinə gəliblər.
Azərbaycan Prezidenti İlham Əliyev və onu müşayiət edən şəxslər Kəbənin ətrafına dolanıb, məsciddə namaz qılıblar.
Mənbə: ANS PRESS