"Müqaviləyə əsasən Azərbaycan qazı Rusiya təbii qazından daha ucuz qiymətə razılaşdırılıb".
ANS PRESS-in məlumatına görə, bunu Türkiyənin energetika və təbii ehtiyatlar naziri Taner Yıldız deyib.
O bildirib ki, Şahdəniz qazı Türkiyəyə Rusiya qazından daha ucuz qiymətə nəql edilir: "Hazırda Rusiya ilə yeni bir layihə olmasına baxmayaraq bu gerçək dəyişməyib. Azərbaycan təbii qazı Rusiya qazından daha ucuzdur", - deyə nazir bildirib.
Taner Yıldız həmçinin Türkiyə-Rusiya arasında təbii qazın alqı-satqısı məsələsinə də toxunub. Nazir mətbuatda yayılan məlumatların əsassız olduğunu deyib və həmin xəbərləri təkzib edib.
O bildirib ki, Rusiyadan təbii qaz alışında 10,25%-lıq endirim əldə edilib və bu Türkiyə üçün uğurlu nəticə olaraq qəbul edilməlidir.
Mənbə:ANS PRESS