Polşanın "Eurovision-2015"də builki təmsilçisi çoxlarını təəccübləndirib.ANS PRESS-in məlumatına görə, 34 yaşlı Monika Kuşinskaya 2006-cı ildə ifaçısı olduğu musiqi qrupunun üvzləri ilə birlikdə avtomobil qəzasına düşüb. O vaxtdan ayaqları iflic olub. Həmin gündən ifaçı aşağı ətraflarını hərəkət etdirə bilmir. Olanlardan sonra ümidsizliyə qapılmayan qadın musiqi fəaliyyətini davam etdirib. İfaçı müsabiqədə ölkəsini təsirli bir musiqi ilə təmsil edəcək.
Qeyd edək ki, Monika Kuşinskaya illərdir musiqi ilə məşğuldur və o, peşəkar ifaçıdır. Öz musiqi karyerasını "Fahrenheit" qrupunda başlayan Monika daha sonra "Varius Manx" qrupunun vokalisti olub.
Mənbə: ANS PRESS