Millimiz bu gün “Şaxtyor”la qarşılaşacaq

Türkiyənin Antalya şəhərində təlim-məşq toplanışında olan Azərbaycan milli komandası bu gün yoldaşlıq oyunu keçirəcək. ANS PRESS-in AFFA-ya istinadla verdiyi məlumata görə, millimiz Ukraynanın “Şaxtyor” (Donetsk) klubu ilə qarşılaşacaq. 
Qarşılaşma Bakı vaxtı ilə saat 18:00-da başlayacaq. Xocalı faciəsinin 23-cü ildönümü ilə əlaqədar millimiz meydana qara sarğı ilə çıxacaq.
Qeyd edək ki, millimizlə yanaşı digər komandalarımız da bu gün keçirilən oyunlarda qara sarğı geyəcək. Belə ki, bu gün U-16 yığmamız Belarusun U-17 komandası ilə qarşılaşacaq. 
21 yaşadək futbolçulardan ibarət Azərbaycan yığması fevralın 25-də Qananın müvafiq yaş qrupuna aid komandası, U-16 isə Norveçin “Konnerud” klubunun U-17 komandası ilə yoldaşlıq oyunu keçirəcək.

Mənbə6 ANS PRESS