Magistraturaya qəbul imtahanı vermiş bakalavrların nəzərinə! Tələbə Qəbulu üzrə Dövlət Komissiyasından ANS PRESS-ə verilən məlumata görə, bu gün imtahan nəticələri elan ediləcək. Nəticələrin axşam saatlarına kimi elan olunması nəzərdə tutulur.
Bundan əlavə TQDK 2015 2016-cı tədris ili üçün ali təhsil müəssisələrinin magistratura səviyyəsinə qəbul imtahanının 2015-ci il fevralın 22-də keçirilmiş birinci mərhələsi ilə əlaqədar bakalavrların müraciətlərinə baxılması üçün Apelyasiya Komissiyası yaradılıb.
Apelyasiya komissiyası Bakı şəhəri, Abdulvahab Salamzadə küçəsi, 28 ünvanında (Asiya Universitetinin binasında) fəaliyyət göstərir.
Bakalavrlar Apelyasiya komissiyasına 24 25 fevral 2015-ci il tarixlərində saat 10-dan 17-dək şəxsiyyətlərini təsdiq edən sənədi təqdim etməklə şəxsən müraciət edə bilərlər.
Mənbə: ANS PRESS