İlham Zəkiyev dünya kubokunu qazandı

Macarıstanın Eger şəhərində paralimpiyaçı cüdoçular arasında dünya kuboku yarışlarında iştirak edən ikiqat paralimpiya çempionu, İlham Zəkiyev bütün rəqiblərini üstələyərək yarışın qızıl medalını qazanıb.ANS PRESS-in məlumatına görə, 100 kiloqramdan artıq çəki dərəcəsində mübarizə aparan həmyerlimiz yarımfinalda rusiyalı, finalda isə yaponiyalı idmançı, London Paralimpiya Oyunlarının qalibi Masaki Kentonu üzərində inamlı qələbə qazanaraq fəxri kürsünün ən yüksək pilləsinə qalxıb.
Xatırladaq ki, 73 kiloqram çəki dərəcəsində mübarizə aparan cüdoçu Ramil Qasımov da bütün rəqiblərinə qalib gələrək dünya kuboku yarışlarının qalibi olub. Milli komandamızın üzvü Səbinə Abdullayeva (57 kq) final görüşündə məğlub olaraq gümüş medalla kifayətlənib.

Mənbə: ANS PRESS