Minsk şəhərində "Normand dördlüyü" formatında danışıqların başa çatdığı bir vaxtda Ukraynadakı döyüş meydanlarından yeni xəbər gəldi. Mariupol şəhəri yaxınlığında ağıq döyüşlər gedir. Milli.Az Rusiya KİV-nə istinadən xəbər verir ki, bu barədə Ukraynanın "Azov" batalyonu məlumat yayıb. Döyüşlər Şirokino-Saxanka istiqamətindədir. "Vəziyyət gərginləşir. Düşmən artileriya və tankların köməyi ilə əks-hücuma keçməyə çalışır. Əllərində olan bütün vasitələrdən - tank, minomyot, reaktiv artilleriyadan istifadə edirlər. Düşmənin piyadaları Şirokino yaxınlığında məhv edilib. Hücum bir qədər səngiyib. Düşmən böyük itkilər verib", - batalyonun sosial şəbəkədə yazdığı məlumatda deyilir.
Mənbə: Milli.Az