ABŞ prezidenti Barak Obama Konqresə müraciət ünvanlayıb.Milli.Az anspress-ə istinadən xəbər verir ki, Obama Konqresdən tələb edir ki, İŞİD terrorçu qruplaşmasına qarşı ordudan istifadəyə icazə verilsin."Mən Konqresə İŞİD terrorçularının məhv edilməsi üçün hərtərəfli və uzunmüddətli strategiya planı göndərmişəm", - deyə Barak Obama bildirib.Obamanın göndərdiyi sənəddə nəzərdə tutulub ki, İŞİD-ə qarşı ABŞ ordusu tərəfindən həyata keçiriləcək hərbi əməliyyatlar 3 il davam edəcək.Konqresdə isə məsələ ilə bağlı fikir ayrılığı hökm sürür. Belə ki, demokratların böyük hissəsi hesab edir ki, sənəd qəbul edilsə Yaxın Şərqdə yeni müharibə başlayacaq. Respublikaçılar isə İŞİD-ə qarşı ordudan istifadəni dəstəkləyirlər.
Mənbə: Milli.Az