Məşhur fotoqraf qorilla ailəsinin fotolarını çəkmək istəyəndə "ailə başçısı"nın qəzəbinə gəlib. Erkək qorilla bir yumruqla fotoqrafı nokauta salıb.
Milli.Az Daily Mail-ə istinadən bildirir ki, hadisə Ruandadakı Vulkan Milli Parkında (Volcanoes National Park) baş verib.
Tanınmış fotoqraf-naturalist Kristof Kurte "Kvitonda" adlanan qorilla qrupunun yaşamını əks etdirəcək seriya hazırlayırdı.
O, reyncerlər və yardımçılarının müşayiəti ilə ağaclığa dalıb, qorilla ailəsinə yanaşıb. K.Kurte qorilla balasının fotosunu çəkməyə başlayıb və bu zaman balacanın atası fotoqrafa hücum çəkib.
190 kiloqram ağırlığındakı qorillanın zərbəsindən fotoqraf yıxılıb, nokauta düşüb.
Mənbə: Milli.Az