Tovuzun Qovlar şəhərindəki bu ev 112 il əvvəl inşa olunub.TTV (Region TV) xəbər verir ki, el arasında "Qırmızı ev" kimi tanınan 2 mərtəbəli tikili 14 otaqdandan ibarətdir. Gəncədən dəvət olunan memarlar tərəfindən şərq üslubunda inşa olunan binanın layihəsi fərqlidir, belə ki, divarları 80 sm-dən də qalın olan tikilinin zirzəmisində soyducu anbar da var.
Sovet imperiyası dönəmində bina müsadirə olunub, yalnız iki otaq evin sahibinə verilib. Yerdə qalan otaqlar isə məktəb kimi istifadə edilib. Ev sahibinin dediyinə görə, kənar bölgələrdən gələn müəllimlər burada fəaliyyət göstərməklə yanaşı, elə burada da yaşayıblar. Ev bir qədər rekonustruksiya edilsə də, tarixiliyini qoruya bilib.
Hazırda bina yaşayış sahəsi kimi fəaliyyət göstərir.
Mənbə: Milli.Az