Almaniya dünya lideri oldu. ANS PRESS-in məlumatına görə, Almaniya ötən il ixrac üzrə rekord vurub. Almaniyanın 2014-cü il ərzində xarici ticarət saldosu 30 milyard artaraq 220 milyard avroya çatıb. Dünyanı böhranın cənginə aldığı bir dövr ərzində dünya birincisi olan Almaniyanı Çin izləyir. Şinin xarici ticarət dövriyyəsi 150 milyard dollar olub. Üçüncü yerdə 100 milyardla Səudiyyə ərəbistanı gəlir. Mütəxəssislər Almaniyanın xarici ticarətindəki bu artımın ABŞ və İngiltərə kimi ölkələrdə alman mallarına tələbin artması ilə izah edirlər. Bu il isə alman iqtisadiyyatının xarici ticarətdən gəlirinin 240 milyard avroya çatacağı gözlənilir.
Mənbə: ANS PRESS