Ermənistan prezidenti Serj Sarkisyan ali baş komandan olduğunu bildikdə xeyli təəccüblənib. ANS PRESS-in Ermənistanın "Qala" televiziyasına istinadən verdiyi məlumata görə, jurnalistlər Sarkisyana yaxınlaşaraq cəbhədə gərginliyi şərh etməsini xahiş ediblər. Ermənistan prezidenti isə jurnalistlərə müdafiə naziri Seyran Ohanyana yaxınlaşmağı məsləhət görüb. Jurnalistin "siz ali baş komandansınız" xatırlatmasına isə "ciddi deyirsiz" sualı ilə cavab verib. Bundan sonra Serj Sarkisyan xidməti avtomobilinə əyləşərək sürətlə uzaqlaşıb.
Qeyd edək ki, Serj Sarkisyan sanki bu jesti ilə Ermənistanın müstəqil dövlət olmadığını onun ordusunun isə Rus qoşunun bir bölməsi aid olmasına bir işarə verib.
Mənbə: ANS PRESS