"Son illər Azərbaycanda istehsal olunan filmlərin keyfiyyəti nəzərəçaracaq dərəcədə artıb. Təkcə ötən il ərzində 52 film beynəlxalq kino festivallarında iştirak edib". Regional TV (Region TV) xəbər verir ki, bu barədə mədəniyyət və turizm naziri Əbülfəs Qarayev Şabranda keçirilən qəbul zamanı jurnalistlərə açıqlamasında bildirib. Nazir qeyd edib ki, bu istiqamətdə daha sürətli inkişafa nail olmaq üçün sakinlərin kinolara və kinoteatrlara marağını artırmaq vacibdir: "Bunun üçün də yeni kinoteatrların yaradılması zəruridir".
Mənbə: Milli.Az