Azərbaycanda təhsil müəssisələrində mövcud infrastruktur əlilliyi olan şəxslərin və sağlamlıq imkanları məhdud uşaqların sərbəst hərəkətləri üçün uyğunlaşdırılacaq. Milli.Az Lent.az-a istinadən xəbər verir ki, bu, "Əlilliyi olan şəxslərin hüquqlarının müdafiəsinə dair" Milli Fəaliyyət Proqramında öz əksini tapıb. Həmin şəxslərin təhsilində elektron təhsil texnologiyaları tətbiq ediləcək.
Sağlamlıq imkanları məhdud uşaqların və gənclərin təhsilinin təşkili formalarının təkmilləşdirilməsi, onların inklüziv təhsilə (məktəbəqədər, ibtidai, orta, texniki, peşə və ali təhsilə) cəlb olunması üçün lazım olan şərait yaradılacaq.
Bütün bunların həlli müvafiq nazirliklərə tapşırılıb.
Mənbə: Milli.Az