ABŞ-ın Milli Olimpiya Komitəsi 2024-cü ildə keçiriləcək XXXIII Yay Olimpiya Oyunları üçün Boston şəhərinin namizədliyini irəli sürüb.ANS PRESS-in məlumatına görə, bu şəhər ölkəni təmsil etmək üçün Vaşinqton, Los-Anceles və San-Fransiskonu geridə qoyub.
Komitədən bildirilib ki, ABŞ-ın ərizəsi müvəffəqiyyət və böyük şans qazanacaq. Çünki 2024-cü ildə Şimali Amerika ərazisində sonuncu Yay Olimpiya Oyunlarından 28 il ötəcək. O vaxt Olimpiya Oyunları Atlanta da təşkil olunub.
ABŞ prezidenti Barak Obama da Bostonun namizədliyinə dəstək verib. O, 2013-cü ilin aprelində bu şəhərdə törədilmiş terror aktını xatırladaraq deyib: "Bu şəhər bizə hər şeyi, - Boston kimi güclü olmaq nə deməkdir, - öyrətdi. Biz idmançılarımızın nailiyyətləru ilə fövqəladə fəxr edirik. 2024-cü ildə ABŞ-da Olimpiya və Paraolimpiya Oyunlarının keçirilməsinə yönəldilmiş səyləri dəstəkləyirik. Biz ümid edirik ki, 2024-cü ildə Bostonda dünya idmançılarını salamlayacağıq."
Xatırladaq ki, XXXIII Olimpiya Oyunları uğrunda mübarizədə Bostonun rəqibləri Sankt-Peterburq, İstanbul, Berlin, Melburun, Nayrobi və Yohannesburq şəhərləridir.
Mənbə: ANS PRESS