"Apple" daha bir yeniliyə imza atmağa çalışır. ANS PRESS-in məlumatına görə, "iPhone 6" və "iPhone 6 Plus"dan sonra şirkət yeni smartfonun hazırlıqlarına başlayıb.
Gələn il smartfonlar siyahısına "iPhone 6S mini" əlavə edilə bilər. Yenilik mövcud son model telefonların qiymətinin də düşməsinə səbəb olacaq.
"Apple"in 6-cı nəsil iPhone modellərində dizayn dəyişikliyi edilib. Dəyişikliyin "iPhone 6S mini"də də hiss ediləcəyi istisna edilmir. Telefonun ekranın ölçüsü 4 düym olacaq.
6S mini modeli ilə "iPhone 5" modelinə geri dönüş də hiss ediləcək.
Yeniliyin gələn ilin ortalarında təqdim ediləcəyi gözlənilir.
Mənbə: ANS PRESS