Qazaxıstan prezidenti Nursultan Nazarbayev geyimi ilə bağlı açıqlama verib.ANS PRESS-in məlumatına görə, prezident bildirib ki, onun geyim tərzini heç bir stilist müəyyən etmir."Dekabrın 1-i prezident günündə internetdə mənim geyim tərzim geniş şəkildə müzakirə edilmişdi. İnsanlar maraqlanırdı ki, prezident kostyum və qalstuklarını haradan alır? Geyimləri heç kim seçmir. Mənim stilistim, kostyum seçənim yoxdur", deyə prezident yerli telekanllardan birində müsahibəsi zamanı deyib.Nazarbayev həmçinin bildirib ki, o, fiziki cəhətdən görkəmli olduğundan geyim seçərkən heç bir problemlə üzləşmir.Qeyd edək ki, Qazaxıstanda sosial şəbəkələrdə Nazarbayevin geyim tərzi geniş müzakirə edilmişdi.
Mənbə: ANS PRESS