“Apple Watch”ın kütləvi istehsalı yanvardan başlayacaq.
ANS PRESS-in məlumatına görə, “Apple” şirkəti “Quanta Computer”dan olan tərəfaşları ilə birgə “Apple Watch” smart saatlarının bəzi komponentləri ilə bağlı olan bütün problemləri həll edib və artıq 2015-ci ilin yanvarında saatların kütləvi istehsalına başlamağı planlaşdırır. Daha əvvəl isə bəzi mənbələr bu saatların istehsalının yalnız fevralın sonundan mümkün olacağını bildirirdi.
Məlumata görə, “Quanta Computer” şirkəti əməkdaşlarının sayını artıq iki mindən on minə qaldırıb, “Apple” şirkəti isə gələn il 24 milyon “Watch” qurğusununun istehsalını planlaşdırır.
“Ağıllı” “Apple Watch” saatları 9 sentyabr “Apple 9”un rəsmi tədbirində təqdim olunub. Saatların bazara çıxarılması 2015-ci ilin əvvəllərində nəzərdə tutulub, lakin satışın dəqiq başlanma vaxtı həmişəki kimi məlum deyil.
Əvvəl də xəbər verildiyi kimi qurğunun çatışmayan cəhəti avtonom işin qısamüddətli olması olub. ”Apple”ın rəhbəri Tim Kuk da “Apple Watch”ın gələcək sahibinin qaceti hər gün enerji ilə doldurmalı olacağını təsdiqləyib.
Qeyd edək ki, “Apple Watch”ın baza versiyasının qiyməti 349 dollar təşkil edir.