Smartfon və planşet kimi qadjetlər insanlarda artıq çəkinin formalaşmasına səbəb olur. Milli.Az-ın Rusiya mətbuatına istinadən məlumatına görə, Çikaqo Universitetinin əməkdaşları belə bir iddia irəli sürüblər. Onların dedikləri qadjetlərin ixrac etdiyi mavi işıqla bağlıdır.Universitetin alimlərinin araşdırmaları göstərib ki, 15 dəqiqəlik mavi işıq insanda aclıq hissi yaradır və gücləndirir. İnsanda hər dəqiqə nəsə atışdırmaq istəyi yaranır. Tədqiqata cəlb edilən insanlar iki qrupa bölünüb. Bir qrup iştirakçı müasir qadjetlərdən istifadə edib. Onlar yemək yedikdən sonra da iki saat ərzində aclıq hissindən xilas olmayıblar.Digər qrup insanlar sadə qadjetlərdən istifadə ediblər. Onlarda həmin hisslər olmayıb.Son araşdırmalar göstərib ki, mavi işıq insanda yuxusuzluq problemi də yaradır.
Mənbə: Milli.Az