Əlbəttə, kimin hansı gün öləcəyini demək mümkün deyil. Ya da başqa cür desək, Allahdan başqa kimsə bilməz. Milli.Az Habertürk-ə istinadən bildirir ki, smartfonlar üçün "Deadline" əlavəsi belə "münəccimliyi" öz üzərinə götürür. Əlavə Apple-in HeatlhKit əlavəsinin statistikasını istifadəçiyə yönəldilən suallara cavablarla birləşdirərək təxmini ölüm gününü müəyyən edir. Deadline doğum tarixindən gündəlik hərəkət aktivliyinə, yuxu düzənindən adamın siqaret çəkib-çəkmədiyinə qədər müxtəlif suallar verir, sonra isə "ölüm tarixini" bəlirləyərək geriyə sayıma başlayır. Deadline hələlik yalnız iOS platforması ilə işləyən telefon sahiblərinə 0,99 dollara əlçatandır və insanları sağlam yaşamağa təşviq etdiyi vurğulanır.
Mənbə: Milli.Az