Bakıda neft və qazçıxarma idarəsində partlayış olub.
ANS PRESS-in məlumatına görə, bu barədə hüquq müdafiəçisi Mirvari Qəhrəmanlı məlumat verib. Onun bildirdiyinə görə, hadisə Nərimanov adına Neft və Qazçıxarma İdarəsinin 441 saylı meydançasında qeydə alınıb.
"Təşkilatımıza yarım saat əvvəl məlumat daxil olub ki, ARDNŞ-nin Azneft İB-nin strukturuna daxil olan Nərimanov adına Neft və Qazçıxarma İdarəsinin 441 saylı meydançasında partlayış olub. Neft quyuları olan meydançada. Ölən, yaralanan sayı və dəymiş ziyan haqqında hələ tam məlumat verilməyib. Xilasetmə işləri aparılır", - deyə Mirvari Qəhrəmanlı bildirib.
Fövqəladə Hallar Nazirliyinin Dövlət Yanğından Mühafixə Xidmətindən ANS PRESS-ə verilən məlumata görə, hadisə Sanqaçal ərazisində, Xəzər dənizində baş verib. Nazirliyin xilasediciləri ora cəlb olunub.
Faktla bağlı əlavə məlumatlar veriləcək.
Mənbə: ANS PRESS