Çempionlar Liqasının qrup mərhələsinin III turunda “Ayaks”la oyun “Barselona” klubunun hücumçusu Lionel Messi üçün əlamətdar olub.
ANS PRESS-in məlumatına görə, matçın 24-cü dəqiqəsində fərqlənən argentinalı hücumçu turnirdə vurduğu qolların sayını 69-a yüksəldib. O, bu qolla “Real Madrid”in hücumçusu Kriştiano Ronaldoya çatıb. Hazırda hər iki futbolçunun aktivində 69 qol var. Qeyd edək ki, Çempionlar Liqası tarixində ən çox fərqlənən “Real Madrid”in sabiq hücumçusu Raul Qonzalesdir. İspaniyalı futbolçu qitənin bir nömrəli klub turnirində 71 qolla siyahıya başçılıq edir.
Mənbə: ANS PRESS