Avropada daha bir nəfər ölümcül Ebola virusundan xilas olub. Bu dəfə norveçli həkimlərin virusa qarşı mübarizə metodu özünü doğruldub.
Paytaxt Oslo xəstəxanasında müalicə alan Silye Lehne Miçalsen ötən gün artıq evinə buraxılıb. Həkimlər onun virusdan tamamilə təmizləndiyini deyiblər.
Miçalsen bir qədər əvvəl virusun geniş yayıldığı Siera-Leone də bu xəstəliyə yoluxmuşdu.
Fransanın Medisen Son Frontier səhiyyə təşkilatının əməkdaşı olan Miçalsen Qərbi Afrikada xəstəliyə qarşı mübarizə aparmaq üçün yenidən iş başına geri qayıtmağa hazır olduğunu deyib.
Mənbə: ANS PRESS