Türkiyədə ilin ən nüfuzlu kino mükafatlarından olan "Altın portağal" mükafatları sahiblərini tapıblar. "Beynəlxalq Antaliya Altın Portakal Film Festivali"nin açılışı adıçəkilən şəhərdəki EXPO Mərkəzdə reallaşıb. ANS PRESS-in məlumatına görə, möhtəşəm açılış mərasimində ulduz axını yaşanıb. Qırmızı xalının ən diqqət çəkəni isə Hollivudun döyüş filmlərinin qəhrəmanı Jan Klod Van Dam olub. Van Dam festivala azərbaycanlı iş adamı "Mardan Palace"in sahibi Telman İsmayılovla qatılıb. Aktyor səmimi davranışı ilə diqqət çəkib, o şəkil çəkdirmək istəyən heç kimin xətrinə dəyməyib. Xatırladaq ki, nüfuzlu mükafata sahib olanlar arasında azərbaycanlı aktrisa da var. Nəsrin Cavabzadə "Quzu" filmindəki roluna görə mükafatlandırılıb. O, "Ən yaxşı qadın" nominasiyasında "Altın portakal" portağal alıb.
Mənbə: ANS PRESS