Həftəsonu yağış var

Sabah Bakıda və Abşeron yarımadasında gecə və səhər bəzi yerlərdə çiskin olacaq. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev ANS PRESS-ə açıqlamasında bildirib ki, oktyabın 11-i Bakıda və Abşeron yarımadasında havanın dəyişkən buludlu keçəcəyi gözlənilir. Şimal-şərq küləyi cənub-şərq küləyi ilə əvəzlənəcək. Temperaturun gecə 11-14°, gündüz 17-22° olacaq. Atmosfer təzyiqi 765 mm civə sütunu, nisbi rütubət 75-85% təşkil edəcək.Rayonlarda gecə və səhər bəzi yerlərdə yağış yağacaq. Gündüz əsasən yağmursuz keçəcək. Ayrı-ayrı yerlərdə duman olacaq. Mülayim şərq küləyi əsəcək. Aran rayonlarında gecə 9-14°, gündüz 18-23°, dağlıq ərazilərdə gecə 0-5°, gündüz 7-12° isti olacağı gözlənilir.

Mənbə: ANS PRESS