2008-ci ildə Afinadakı etiraz nümayişlərinə qatılmış və 2011-ci ildə Yunanıstan etirazlarının rəmzinə çevrilmiş “Kolbasa” adlı məşhur köpək dünyasını dəyişib.ANS PRESS-in məlumatına görə, onun qojalıqdan öldüyü bildirilir. “Kolbasa” bütün dünyada məşhur köpək olub, xarici telekanallar ona verilişlər həsr edib. Norveçdən olan animator isə köpəyə klip çəkib. Dünyanın onlarla saytı köpəyə nekroloq həsr edib. “Kolbasa” həmişə etiraz nümayişlərinin önündə gedib və cürətlə etirazları yatırmaq istəyən polislərə hüjum edib. Aksiyalar zamanı polislər ona qarşı sərt davranıb, dəyənəklə və çəkmə ilə onu vurublar. Baytarların dediyinə görə, nümayişlər zamanı tətbiq edilən gözyaşardıcı qaz onun sağlamlığına ciddi zərər vurub.
Mənbə: ANS PRESS