Sabah şaxta olacaq. Ekologiya və Təbii Sərvətlər Nazirliyinin Milli Hidrometeorologiya Departamentinidən ANS PRESS-ə verilən məlumata görə, Bakıda və Abşeron yarımadasında oktyabrın ilk günü hava şəraitinin dəyişkən buludlu olacaq. Havanın arabir tutulacağı, gün ərzində əsasən yağmursuz keçəcəyi gözlənilir. Gündüz cənub küləyi əsəcək.
Havanın temperaturu gecə 15-17, gündüz 20-24 dərəcə isti olacaq.
Atmosfer təzyiqi 763 mm civə sütunu, nisbi rütubət 75-85 faiz təşkil edəcək.
Azərbaycanın rayonlarında sabah hava şəraitinin gün ərzində əksər rayonlarda əsasən yağmursuz keçəcəyi, lakin Lənkəran-Astara zonasında arabir yağış yağacağı gözlənilir. Səhər ayrı-ayrı yerlərdə duman olacaq. Şərq küləyi əsəcək.
Havanın temperaturunun gecə 10-15, gündüz 19-24, dağlarda gecə 0-5 dərəcə isti, yüksək dağlıq ərazilərdə 0-4 dərəcə şaxta, gündüz 8-13 dərəcə isti olacağı gözlənilir.
Mənbə: ANS PRESS