WhatsApp-ın pulsuz danışıq xidməti sabah istifadəyə veriləcək
WhatsApp qısa mesajlaşma xidməti bu il təşkil olunmuş IFA-2014 texnologiya sərgisində, internet üzərindən səsli danışıq xidmətini yaxın günlərdə təqdim edəcəyini açıqlamışdı.
Milli.Az deyerler.org-a istinadən bildirir ki, WhatsApp-ın nə vaxt bu funksiyanı təqdim edəcəyi isə dəqiq olaraq açıqlanmamışdı. Dünən isə, verilən rəsmi açıqlamaya görə, WhatsApp pulsuz danışıq funksiyasını 17 sentyabrda yəni, sabah təqdim edəcək. Diqqət çəkən məqam isə, bundan ibarətdir ki, WhatsApp şirkəti, iOS və Android əməliyyat sistemlərinə eyni vaxtda bu funksiyanı tətbiq edəcək. IOS əməliyyat sisteminə iOS 8 əməliyyat sistemi ilə birgə tətbiq olunacaq yeni funksiya, Android əməliyyat sisteminə sadə bir təkminləşdirməklə tətbiq olunacaq. Mütəxəssislərə görə, bu funksiya WhatsApp-ı öz sahəsində daha da möhkəmlədəcək və rəqiblərini çox geri salacaq.
Mənbə: Milli.Az