Erməni arxeoloqlar Govur qalasına əsas girişi açmağı çalışırlar. ANS PRESS-in məlumatına görə, ermənilər Qarabağ ərazisində ikinci kilsəni aşkar ediblər. Dağlıq Qarabağda arxeoloji qazıntı ilə məşğul olan nümayəndə heyətinin üzvü, professor Hamlet Petrosyan kilsə barədə danışıb. "Biz bu il ciddi nailiyyətlər əldə etmişik. Biz "Tiqranakert" qalasının (Gövür qalası) şimal hissəsinin divarlarına çatmışıq. Qalada yeni tikintilər aşkar edilib. Bu antik şəhərin sakinləri öz yeməklərini özləri əldə edirdilər. Biz ümid edirik ki, teliklə qalaya əsas girişi açmaq mümkün olacaq. Bununla da maraqlı tapıntılar aşkar ediləcək. Orada artıq yeni xristian kilsəsi aşkarlanıb".Arxeoloq kilsənin ermənilərə məxsus olduğunu iddia edib. Qeyd edək ki, sözügedən kilsə hazırda işğal altında olan Ağdam şəhərində yerləşir. Ermənilərin apardığı arxeoloji qazıntılar zamanı tapılan nümunələr də sübut edir ki, ermənilər tarixən bu ərazidə yaşamayıblar. "Tiqranakert”i tapdıqlarını iddia edən ermənilərin aşkarladığı qədim Govurqala antik dövr yaşayış yeridir. Bu da vaxtilə görkəmli Azərbaycan tarixçisi Rəşid Göyüşov tərəfindən aşkarlanıb və tədqiq edilib.
Mənbə: ANS PRESS