İngiltərənin Milton Keynes şəhərində nigeriyalı zənci qadınla Avropoid ingilisin ağ dərili və yaşıl gözlü övladı dünyaya gəlib. ANS PRESS-in xəbərinə görə, mütəxəssislər ingilis Riçard Hovartla zənci Ketrin Hovartın övladının ağ dərili olmasını milyonda bir ehtimal hesab edir. Cütlük isə uşağın rəngi ilə yox, səhhəti ilə maraqlandıqlarını bildiriblər. Zənci qadının ağ uşaq doğması xəstəxanada da təəccüb və maraqla qarşılanıb. Həkimlər isə bu cütlüyün bir daha ağ övlada sahib olma ehtimalının olmadığını, bu cür gen kombinasiyalarının təkrarlanmayacaq qədər nadir hadisə olduğunu bildirib.
Mənbə: ANS PRESS