FİFA argentinalı Lionel Messini 2014-cü il dünya çempionatının ən yaxşı futbolçusu seçib. ANS PRESS-in məlumatına görə, Messi turnirdə 7 oyun keçirib, 4 qol vurub. Çempionatda gözəl oyun nümayiş etdirdiyinə görə, Messi turnirin ən yaxşı oyunçusu seçilib. Kolumbiyalı yarımmüdafiəçi Xavi Rodriqes isə çempionatın bombardiri olub. O, 6 qol vurub.
21 yaşlı fransız yarımmüdafiəçi Pol Poqba ən yaxşı gənc futbolçu seçilib. O, 5 oyunda 1 qol vurub. FİFA-nın açıqlamasına görə, dünya çempionatının ən yaxşı qapıçısı Almaniya yığmasının qolkiperi Manuel Noyerdir. O, turnirdə 8 oyun keçirib və cəmi 4 qol buraxıb.Kolumbiya yığmasına “ədalətli oyun üçün” mükafat verilib. Komandanın oyunçuları dünya çempionatında keçirdiyi matçlarda bir dənə də olsun qırmızı kart almayıb.
Mənbə: ANS PRESS