Son vaxtlar küçələrdə yaşayan sahibsiz itlərin öldürülməsi məsələsi aktuallaşıb.
ANS TV-nin məlumatına görə, bu məqsədlə Canlı Aləmin Mühafizəsi Aliyansı İctimai Birliyi mətbuat konfransı keçirdi. Konfransda müzakirə mövzusunda diqqət çəkən məqamlar oldu. Konfransda sözügedən birliyin sədri bildirdi ki, paytaxt sakinləri həyətlərinə silahla gələrək sahibsiz itlərə atəş açılması barəsində şikayət ərizəsi ilə məhkəməyə üz tutublar. Məhkəmə isə işi araşdıraraq Bakı Şəhər İcra Hakimiyyətinin sahibsiz heyvanlarla mübarizə idarəsinin lehinə qərar çıxarıb. Qərardan narazı qalan şikayətçilər isə yenidən məsələnin Appelyasiya Məhkəməsində müzakirə olunması üçün müraciət ediblər. Məhkəmə baş tutub. Qətnamə isə hələlik rəsmi surətdə tərəflərə təqdim olunmasa da adıçəkilən ictimai birliyin sədri ümidi olmadığını bildirdi.
Canlı Aləmin Mühafizəsi Aliyansı İctimai Birliyinin sədri Mənsurə Rəsulzadənin sözlərinə görə, vəkillərin artıq şifahı olaraq verdiyi məlumata görə, bu dəfə də məhkəməni uduzacağıq: “Halbuki, burada kütləvi müraciətdən söhbət gedir. Bu, çox böyük ictimai problemdir”.
Mənsurə xanım onu da əlavə etdi ki, qətnamə hazır olduqdan sonra yenidən məsələni qaldıracaqlar və məhkəmə çəkişmələri davam etdiriləcək. Onun sözlərinə görə, sahibsiz heyvanların müdafiəsi və mühafizəsi hər bir halda ictimayətin borcudur.
Canlı Aləmin Mühafizəsi Aliyansı İctimai Birliyinin sədri Mənsurə Rəsulzadənin sözlərinə görə, vəkillərin artıq şifahı olaraq verdiyi məlumata görə, bu dəfə də məhkəməni uduzacağıq: “Halbuki, burada kütləvi müraciətdən söhbət gedir. Bu, çox böyük ictimai problemdir”.
Mənsurə xanım onu da əlavə etdi ki, qətnamə hazır olduqdan sonra yenidən məsələni qaldıracaqlar və məhkəmə çəkişmələri davam etdiriləcək. Onun sözlərinə görə, sahibsiz heyvanların müdafiəsi və mühafizəsi hər bir halda ictimayətin borcudur.
Mənbə: ANS PRESS