Hindistanda 50 ildən sonra azad edilən fil ağlayıb.
ANS PRESS-in məlumatına görə, Hindistanın Uttar-Pradeş ştatında sakinlərdən biri Raci ləqəbli fili 50 ildir ki, zəncirdə saxlayırmış. Fil sahibi heyvanı hər gün döyür, yoldan keçən insanların qarşısında diz çökdürərək baş əydirirmiş.
Raci taleyi ilə Heyvanların Müdafiə Mərkəzi maraqlanıb. Onlar filin sahibi ilə uzun müddət danışıqlar aparıb. Sonda Heyvanların Müdafiə Mərkəzinin əməkdaşları fili azad etməyə nail olub. Onu zəncirdən açıb buraxıblar. Azadlığa çıxan fil ağlamağa başlayıb.
Qeyd edək ki, fillər 60-70 il yaşayır. Lakin fillər bu yaşa qədər çox nadir hallarda yaşa bilir.
Mənbə: ANS PRESS