Rusiyanın Nijni Novqorod şəhərinin həndəvərində dəmiryolu ilə hərəkət edən uçan naməlum obyektin (UNO) qeydə alındığı bildirilir.
Milli.Az KP-yə istinadən bildirir ki, parlaq sarı-yaşıl ləkə Nijni Novqoroddan İjevskə doğru hərəkət edən sərnişin qatarının arxasınca sürətlə hərəkət edir.
Qatara çatmasına az qalmış naməlum obyekt qəflətən sürətini azaldır, dayanır. Bir qədər keçir, o, yenidən qatara yaxınlaşır.
Bu hadisəni smartfonla çəkən Roman Konoplyov deyib: "Çiskinli hava idi. Baş verənləri görən kimi telefonu götürüb çəkdim. Bu nədir, UNO-dur?!"
Ufoloqlar isə dəmiryolundakı UNO-nun saxtakarlıq olduğunu deyirlər.
Naməlum obyektin videoredaktor proqramındakı manipulyasiya və ya qatarın qapısının şüşəsində əks olunmuş günəş şüası olduğu da istisna edilmir.
Mənbə: Milli.Az