Kolumbiya millisinin baş məşqçisi Xose Pekerman dünya çempionatının 1/8 finalında qarşılaşacaqları Uruqvayla oyunöncəsi maraqlı fikirlər səsləndirib.
Milli.Az qol.az-a istinadən xəbər verir ki, "L'Equipe"yə danışan təcrübəli mütəxəssis Uruqvay yığmasının Luis Suaressiz də güclü rəqib olduğunu bildirib:
"Uruqvay yaxşı komandadır. Son illər uğurlu çıxışları ilə diqqət çəkirlər. Bizi gərgin oyun gözləyir. Zədələrlə bağlı bizim də müəyyən çətinliyimiz var. Ancaq layiqli mübarizə aparmağa çalışacağıq. Luis Suares Uruqvay üçün ciddi itkidir. Lakin Suares olmadan belə Uruqvay bizim üçün təhlükəli rəqibdir. Bu oyunda kiçik detallar həlledici rol oynayacaq".
Qeyd edək ki, Koumbiya - Uruqvay oyunu bu gecə, Bakı vaxtı ilə saat 01:00-da başlayacaq.
Mənbə: Milli.Az