Argentina millisinin futbolçusu Qonzalo İquain "DÇ-2014"də indiyə kimi qol vura bilmədiyi üçün narahat deyil.
Milli.Az qol.az-a istinadən xəbər verir ki, hücumçu bu turnirdə fərqlənəcəyinə əmin olduğunu deyib:
"Qol vura bilmədiyim üçün narahat deyiləm. Çünki dünya çempionatında fərqlənəcəyimə əminəm. Hər bir hücumçu rəqib qapılarına yol taparaq komandasına kömək etməlidir".
1/8 finaldakı rəqibləri İsveçrə millisi haqda da danışan İquain bildirib: "İsveçrə güclü komandadır. Buna görə də rəqibimizə hörmət etməliyik və diqqətli oynamalıq. Rəqibin güclü və zəif tərəfini bilirik".
Mənbə: Milli.Az