Dağıdılan saytlarda "Azərbaycan, bayramın mübarək!" sözləri yazılıb Azərbaycanlı hakerlərdən ibarət “Anti-armenia Team”-in hakerləri Azərbaycanın 26 iyun Silahlı qüvvələr günündə Ermənistanın mühüm dövlət orqanları, nazirlikləri, eləcə də digər hökumət orqanlarına məxsus saytları dağıdıb.
ANS PRESS-in məlumatına görə, Ermənistan prezidentinin rəsmi səhifəsi də başda olmaqla, Ermənistan Xarici İşlər nazirliyi və Ermənistan hökumətinin və hökumətin bölgələr üzrə olan dağıdılmış saytlarında Azərbaycanın Ali Baş Komandanı İlham Əliyevin çıxışı ilə yanaşı Azərbaycan ordusunun qüdrətini özündə əks etdirən videoçarx yerləşdirilib.
Dağıdılan saytlarda "Ali Baş Komandanım, Generalım, Zabitim, Əsgərim, Müstəqil Azərbaycanım! Bayramın Mübarək! Müstəqil Ordum! 96 İllik Şərəf Yolun, Müqəddəs Yolun Mübarək!" sözləri əks olunur. Ən əsası isə Ermənistan prezidentinin rəsmi saytında, eləcə də dağıdılan digər saytlarda iri hərflərlə "Qarabağ Azərbaycana məxsusdur" mesajı yerləşdirilib.
Mənbə: Anspress.com